Teu

Teu rudet alias tokcer di Linux, eta nu pas diangge cepengan keur nu resep Linux.
Teu antaparah, nalika aya nu nawisan modem CDMA Skyspeed MC101, nu ditaroskeun teh tiasa henteuna dianggo dina Linux.
Teu kawaler, mung dina dusna ukur diserat OS windows.
Teu seueur saur, “Urang cobian nya, Kang”, bari tuluy modem dicolokkeun kana komputer.

Amitan dina Walimatul Hajj

Ngawitan cumarios, seja ngahaturkeun rebu nuhun laksa katika bingahan kana kasumpingan para tamu undangan sadaya anu parantos kersa rurumpaheun ihlas manah wening galih nyumpingan ulemana ieu shohibul makosid, calon tamu Allah. Ngahaturkleun rebu nuhun laksa ketikabingahan da ari kedahna mah ieu teh calon tamu Allah anu nguriling teh, sabab enggke oge di ditu bakal nguriling towaf – towaf teh nguriling. Tah ieu teh kedah, da ieu nu butuhna, ieu calon tamu Allah seja amitan, namung ngawantunkeun diri nguleum ka sadaya anu parantos ngaluangkeun waktos. Hatur nuhun ka sadayana mugia sing janten amal anu dicatet ku Allah swt, amal soleh anu ditampi ku Allah swt. Amin.

Naha Stadion Persib di Gedebage?

Stadion Utama Sepakbola Gedebage

Persib Bandung jigana can bisa ngagunakeun Stadion Utama Sepakbola (SUS) Gedebage pikeun laga kandang dina Liga Super Indonesia (LSI) 2011/2012 nu bakal datang. Tihang pancangna oge nembe bade diadegkeun isuk ku Walikota Bandung.
Samemehna pamarentah geus nargetkeun pangwangunan bisa rengse Desember 2011. Nya kitu tea, alatan sabaraha faktor kaasup waragadna, dipastikeun mundur ka tahun 2012.

Purnama Peuting Katiga

Mangle – Sora jam salendro ti jero imah heubeul pulas bodas, nu sawareh jandelana ngaremplong keneh, ngelentrung salapan kali. Nyalabarkeun halimpu lalampahan waktu. Ngahontal pakarangan. Jam salapan peuting. Peuting katiga. Tengah taun.

Bulan ngaringkang ti beulah wetan, nepungan angkrek pulas bungur nu mangkak lebah juru pakarangan. Aya wanoja dina korsi, handapeun kiceup bentang, handapeun langit anu bangun nabeuh gending nyinglar ulas-ulas mega. Handapeun lenglang nu ngahaleuang. Wanoja ngaderes angin nyecep. Nyeuseup nu lawung. Cahaya jeung sambuang. Kalimah bulan mugurkeun ngungun angkrek bungur, pulas nu ngadadak ngawihkeun dalingding tembang kasmaran lebah peuting katiga.

Tauhid Ngaronjatkeun Ajen Diri

Para ‘aidin rawuh ‘aidat rahimakumullah!

Masih keneh karasa hikmah Romadlon anu dina eta bulan urang sadaya ngalaksanakeun ibadah shaum sabulan campleng. Hikmah dina bulan Ramadlon anu masih keneh karasa ku urang lantaran urang diingetan ku kalimah TAUHID anu ti wengi keneh tos dibacakeun kalawan khusyu.

Hubungan antara ibadah shaum jeung kalimah TAUHID dikaitkeun kana katakwaan, anu jadi tujuan tina eta ibadah. Tatapakan katakwaan teu aya lain kajaba kalimah TAUHID. Nyaeta ucapan “Lailäha illallah” anu hartina “teu aya deui anu wajib diibadahan kajaba ngan Allah wungkul”. Salian ti Allah SWT, haram hukumna ku urang diibadahan atawa disembah. Katakwaan mustahil bisa ngabukti dina kahirupan urang lamun teu aya dasar TAUHID.

Hayu Berjamaah di Masjid

Eling-eling umat Islam
di mana ngupingkeun adan
geura tobat ka pangeran
enggalkeun ka masjid datang

Hayu urang berjamaah
kalakuan ahli sunah
masjid teh tempat ibadah
nu dimulyakeun ku Allah

Sanajan iman diukir
laun-laun jadi kafir
mangka hade geura mikir
enggalkeun ka Allah zikir

In Memoriam: Dongeng Favorit Kang Ibing

"Urang mah dongeng nu favorit mah, aki-aki, nyaeta aki-aki dina kapal", kitu ceuk kang Ibing.

Dina kapal teh euy, keur ngarariung dina kapal laut, na ari gejebur teh aya jelema nu tigejebur ka laut tina kapal. Euweuh nu nulungan, da euweuh nu bisaeun ngojay.

"Itu tulungan … itu tulungan", aya nu ngagorowok. Tapi da euweuh nu bisaeun.

Harita keneh aya aki-aki saurang. Ganjeleg, kerewek.

"Tewak, waduh", ceuk sarerea, "alungan tambang, alungan tambang". Dialungan tambang, ditewak, naek kaluhur kabawa.

Di luhur pada muji ka aki-aki. "Waduh terima kasih." "Bener-bener aki mah jiwa pahlawan, lamun teu ditulungan ku aki mah cilaka." Eta diparuji kitu teh, dipalotret, si aki-aki kalah gegebes. "Cicing-cicing ngajedog, lain nuhun-nuhun. Saha tadi nu nyuntrungkeun aing."

Sihoreng lain nulungan, aya nu ngajongklokkeun. Haduh.

Wkkk.

Cariosan Tawis Nuhun

Geus jadi babasan, mun urang barang bere ka batur alatan ditulungan atawa asal mere sok dibungbuan ku kecap “hatur lumayan …”. Tah, titik-titik eta aya nu dieusian ku kecap kanggo anu, tamba henteu, bisi jadi anu, jeung rea-rea deui. Anu heureuy mah malah make kecap tamba lumanyun, atawa kecap sejena.

Ieu mah, kacaritakeun dina obrolan di padamelan, dunungan nyarioskeun pangalamana dipeuseul di tukang peuseul nu dituduhkeun ku sobatna. Asa ngareunah cenah dipeuseul di dinya teh, malah ceuk beja mah sagala bisa, sanes wungkul meuseul biasa, tapi oge ngalandongan nu tatu tulang jeung sabangsana.

Saba’dana dipeuseul, bari amitan anjeuna maparin amplop tawis nuhun bari ngucap, “nuhun nya kang, ieu mah hatur lumayan kanggo sesepeun.” Na da eta mah si akang tukang meuselna nempas ku kalimah, “duh sami-sami pa, ditampi yeuh kaleresan enya peryogi kanggo sesepeun."

Geuning eta mah, teu lila ti harita si akang tukang peuseul tea ngaborong roko sajumlah duit nu diamanatan ti pasena.

Hah.

Loka Tarjamah Otomatis Indonésia – Sunda

Ieu sistim teknologia samodel google translate (google terjemahkan), tapi leuwih canggih, sabab nerjemahkeun kana basa daerah, nyaeta Sunda. Singgetna ceuk pa Dian Tresna Nugraha program “Loka Tarjamah Otomatis Indonésia-Sunda” (LTIS) nyaéta hiji program anu ditulis dina basa PHP, anu disimpen dina webserver1 pikeun ngalayanan paménta tarjamahan sacara otomatis tina basa Indonesia kana basa Sunda, boh paménta nu mangrupa téks, atawa paménta nu mangrupa URI.

Alamatna di handap ieu:
http://tarjamah.sabilulungan.org/