Ngamankeun Password

Lain sakali dua kali kapapancenan ngalereskeun akun facebook, twitter, email, atawa nu lianna, alatan teu kabuka. Cenah, salah password atanapi password tos dirobih.

Password (passphrase) atawa kata sandi mun dihartikeun kira-kira kumpulan huruf (A-Z, a-z), angka (0-9), tanda baca (!?,.=-), atawa huruf lian anu teu bisa (atawa susah) ditebak ku batur (intruder sistem atawa jaringan), pikeun ngajaga sangakan jaringan atawa sistem teu bisa dibuka ku batur. Tapi teu kitu oge, teu saeutik nu ngagunakeun password make kecap nu gampang apalna, saperti ngaran tokoh atawa nu gampang ditebak.

Tong boro gampang ditebak, nu ngaran password mah, komo deui jaringan atawa sistem nu dikonci pakuat-pakait jeung hal anu dipikaresep atawa kacida dibutuhkeun ku batur, eta password bakal diulik sangkan katohyan. Bisa oge ngabongkar password alatan kapentingan, politik, ekonomi, atawa ukur iseng. Apanan, sistim operasi komputer anu disebut windows, anu make password keur nginstalna, bari jeung rumit deui passwordna kalawan legalna hiji komputer hiji password, ceuk beja mah loba nu jebol.

April 2010, situs internet sehat ngabewarakeun kasus jebolna password kagungan artis Wulan Guritno. Dijentrekeun yen alatan kasus eta Wulan ngambek. Teu tanggung-tanggung cenah, mimitina hiji akun Instan Messaging (IM) Wulan dijebol kalawan dirobah passwordna, tuluy ngarembet kana akun-akun sejenna, nepi ka sajumlah akun Wulan jarebol tur passwordna rarobah. Lain wungkul jebol jeung ganti password, tukang bajakna akon-akon jadi Wulan, ngobrol jeung sajabana dina IM. Eta teh cenah, pedah sajumlah akun Wulan ngagunakeun password nu akur.

Lobana akun make password nu akur bisa dimaklum, ngarah teu dipusingkeun ku password nu bakal nyusahkeun urang mun tilu kali salah narepkeun password kana akun. Kadang mun kieu, akun urang diblokir sababaraha waktu. Tapi di balik eta, mun password dijebol batur malah leuwih barabe deui.

Tina kasus Wulan Guritno ieu, jigana nu ngajebol hiji akun Wulan moal bisa larsup kanu akun lianna mun Wulan teu ngagunakeun hiji password nu akur. Ieu jadi conto keur urang.

Untungna eta nu ngajebol password teh tungtungna nyampekeun password anyarna. Nya, ahirna sajumlah akun Wulan bisa diakses deui sabihara bihari. Kumaha lamun teu kitu?

Keur ngakalan sangkan password teu kajebol batur, aya sababaraha cara versi internetsehat diantarana:

  1. gunakeun password nu sulit ditebak (kombinasi angka, huruf badag jeung huruf  alit)
  2. ulah ngagunakeun password nu akur keur akun-akun online (messenger, email, facebook, twitter, jssb)
  3. robah password kalawan rutin, 1-3 bulan sakali
  4. apalkeun password kalawan teu ditulis, komo deui dibeja-beja ka batur
  5. ulah ngagunakeun password kojo/andelan pikeun daftar di situs anu teu jelas.

5 Responses to Ngamankeun Password

  1. ciburuan pok:

    Wah, mangkaning sababaraha akun anu abdi aya anu sami tulak sandina….
    Kedah diamankeun heula sapertosna mah

  2. Pingbék: menemukan teman pengguna WordPress « mamabojong

  3. I know this site offers quality depending posts and other material,
    is there any other site which presents such stuff in quality?

Kantunkeun Balesan

Fill in your details below or click an icon to log in:

WordPress.com Logo

You are commenting using your WordPress.com account. Log Out / Robih )

Twitter picture

You are commenting using your Twitter account. Log Out / Robih )

Facebook photo

You are commenting using your Facebook account. Log Out / Robih )

Google+ photo

You are commenting using your Google+ account. Log Out / Robih )

Connecting to %s

%d bloggers like this: